XX. mendeko Euskararen Corpus estatistikoa

Testuingurua

Indiako iparrekialdeko mugetako mendietan bizi den NAGA etniak ez du hinduekin zerikusirik.

Bertako emakumeek sexu-askatasun osoa dute, lehengo haurra jaio arte; orduan senarrarekin bizitzera joan behar baitute.

Duela gutxi, naga herriska desberdinen artean gordetzen ziren jaraunspenezko adiskidetasun- edo areriotasun-harremanak.

Arrunta zen buru-ehiza, haien ustez, garezurraren barruan gordetzen zen gizakiaren nortasunak bertan zirauelako, heriotzaren ondoren.

Horrela, etsaiaren burua mozten zuen gerlariak, haren baitan ezkutatzen zen botere magikoa beretzat eta bere herriskarentzat eskuratzen zuen, bere taldeko pertsonak, animaliak eta lurraldea emankorrago bihurtuz.

Ehizatutako buruak aldizka elikatzen ziren, arrozaz eta arrozazko zerbezaz, hildakoaren izpirituaren boterea mantendu ahal izateko.

Etsaiaren buruek ekartzen zituzten mesede magikoak kontutan hartuz, gerlaririk ospetsuenak kaskezur gehien ekartzen zituztenak ziren, beren herriskaren botere magikoaren gordailua areagotzen zutelako.

Egun, sineskizun hauen gainbeherarekin batera, naga herria, bere herrisken arteko antzinako etsaitasuna baztertu eta bere identitate etnikoaz jabetzen ari den herria dugu.